B.GENJEMURATOV POEZIYASÍNDA MUASHSHAQLAR, SONET, MARSIYA, ELEGIYA HÁM EŃ KISHI LIRIKALÍQ FORMALAR

Abstract

B.Genjemuratov poeziyasında kishi lirikalıq formalardan ekilikler hám úshlikler pikir ótkirligin hám mazmun kórkemligin támiyinlewde shayırdıń intellektual bilim dárejesiniń joqarı ekenliginiń kórinisi esaplanadı. Shayır dóretiwshiliginde onlıqlar azı-kem ushırassa da, onda ideya-tematikalıq hám formalıq tárepten jetiskenliklerdi kóriwge boladı.  Lirikalıq dúrkinler házirgi waqıtta ádebiyachılarımız tárepinen endi úyrenilip atırǵan janrlıq forma bolıp esaplanadı. Lirikalıq dúrkinler mazmunı hám ideyası jaǵınan jaqın bir topar qosıqlardan dúzilip, bir atama astına birlestirilgen forma bolıp esaplanadı.